My Trillionaire Boss is my Baby Daddy (Klaire Limson) novel Chapter 16

THUD!

Mabilis na gumalaw si Rage at sinalo ang ulo ni Klaire nang ito ay manghina at muntik nang sumalpok sa gilid ng mesa. Ang sakit na nararamdaman niya sa tiyan ay lalong lumala at kumalat paibaba.

Mabilis na yumuko si Rage at tinulungan si Klaire na umupo sa sofa. Hindi namalayan ng Klaire ang pagbabago ng ekspresyon ng kanyang boss na puno ng pag–aalala.

“Saan masakit?” Tarantang tanong ni Rage na may bahid ng inis.

Lalong nanghina si Klaire sa pag–aakalang sinisisi siya ni Rage dahil nasasayangan ito ng oras. “I’m sorry… babalik na po ako sa desk ko… arghh,” ungol niya habang pinipilit bumangon.

“Stay here and don’t move too much!” mariin na utos ni Rage at saka agad na tinawagan ang company doctor.

Habang nakatingin kay Klaire na namimilipit sa sakit ng tiyan, parang gustong hawakan ni Rage ang bahaging iyon para kahit papaano ay mabawasan ang sakit na nararamdaman nito. Ngunit kinuyom niya ang mga kamay para hindi makagawa ng hindi dapat.

Hindi pa ngayon… Kailangang aminin muna ni Klaire na siya ang ama ng batang dinadala nito.

Hindi nagtagal, dumating ang company doctor at sinimulan ang page–examine kay Klaire. Maraming tanong ang ibinato nito sa babae.

Base sa mga kilos ni Klaire na laging nakayuko at ang takot nitong tingnan si Rage, nahulaan ng doktor na may masakit na salita na naman itong binitawan na nagpa–stress sa buntis.

Alam din ng doktor na mahigpit talaga si Rage sa mga empleyado. Hindi biro ang takot na dulot nito sa mga kausap, pati na rin sa kanyang sarili na laging kinakabahan sa harap ng presidente.

“What happene to her?” tanong ni Rage.

“I suggest na iwasan po muna ni Miss Klaire ang mag–isip masyado ngayon. Nag–collapse din siya nitong nakaraan, diba? Sudden changes in emotions or pressure can trigger stress. Maaari itong makaapekto sa pagbubuntis niya.”

Nanigas ang panga ni Rage sa paliwanag ng doktor.

“Give her medication and vitamins,” utos niya.

“Niresetahan ko na siya ng vitamins at pampakapit, Sir. Bukod pa rito, kailangan niya ng suporta mula sa mga taong malalapit sa kanya, lalo na’t ito ang unang pagbubuntis niya,” paliwanag ng doktor.

Nanlumo si Rage. Nasaktan ba si Klaire dahil pini–pressure niya ito? Ano na ang dapat niyang gawin?

“Salamat po, dok. Okay na po ako, Babalik na po ako sa trabaho,” pilit na ngiti ni Klaire. Sa totoo lang, nararamdaman pa rin niya ang sakit, pero hindi na ito gaya kanina.

Dahan–dahang naglakad si Klaire palabas ng opisina ni Rage na puno ng lungkot. Nang marinig ang babala ng doktor at maalala ang pressure mula kay Rage, halos gusto na niyang humagulgol.

1/3

Kabanata 16

+25 BONUS

Pero agad niyang itinaboy ang lahat ng emosyong iyon at sinubsob ang sarili sa trabaho.

‘Hindi ko na iisipin pa ang mga problema ko… aalagaan ko muna ang sarili ko at ang baby ko…‘ naisip niya habang marahang hinahaplos ang tiyan.

Ang kanyang Papa, si Miguel, si Kira at si Rage… kakalimutan muna niya ang mga taong nagpapabigat ng kalooban niya.

Mas importante ang anak niya ngayon…

Habang pauwi, maingat na pinag–isipan ni Klaire ang mga susunod niyang plano. Kailangan pa rin niyang magtrabaho sa De Silva Company. At kailangan na niyang magpakasal para matigil na ang pamimressure ni Rage sa kanya.

Tiningnan niya si Lance na tahimik na nagmamaneho sa tabi niya.

‘Okay lang kaya talaga kay Lance na pakasalan ako?‘ tanong niya sa sarili.

Oo! Napagdesisyunan na niyang tanggapin ang alok ng pamilya Rivas. Kailangan lang niyang siguraduhing hindi napipilitan si Lance sa kanya. 2

“Why? Masyado ba akong gwapo kaya titig na titig ka sa akin?” pabirong tanong ni Lance nang hindi siya binabalingan ng tingin.

“Lance… gusto ko sanang kumain. Pwede mo ba akong samahan?” pakiusap niya.

Tiningnan siya ni Lance bago ibinalik ang atensyon sa daan. Ngumiti ito nang makita si Klaire na mas masigla kaysa sa mga nakaraang araw. Lalong gumaganda ang babae kapag nakangiti. Napakagat–labi na lang si Lance sa pagpigil ng kabog ng dibdib.

“Okay. I’ll take you to a nice place after we eat.”

Lalong gumanda ang pakiramdam ni Klaire nang imbitahan siya ni Lance sa iba’t ibang pasyalan. Nawala ang lahat ng pangamba niya dahil sa mga biro at pag–aalaga nito sa kanya.

Naisip niya, hindi naman pala kailangan ng pag–ibig para maging masaya. Basta kasama niya ang taong nagmamalasakit sa kanya, kayang–kaya niyang kalimutan ang lahat ng problema. 1

“Gusto mong pumunta sa beach para panoorin ang sunset?” alok ni Lance.

Napatango siya at nginitian ito.

Abot–tanaw na ang dapit–hapon nang makarating sila sa baybayin. Nakaupo silang dalawa sa buhangin habang pinagmamasdan ang naghahalong kulay ng langit at dagat. 1

Hinahaplos ng hangin ang mahabang buhok ni Klaire hanggang sa tumakip ang mga ito sa kanyang mukha. Agad naman itong inayos ni Lance, na nagdulot ng kakaibang pakiramdam sa dibdib niya nang magkatinginan

sila.

Si Lance ay isa sa mga lalaking ginagaling at hinahangaan niya. Yun lang. Pero ngayon, magiging na niya asawa

2/3

Kabanata 16

+25 BONUS

ito at ama ng kanyang anak. Sana lang ay matutunan niya itong mahalin kapag kasal na sila… 1

Samantala, tuwang–tuwa naman si Lance sa harapan niya. Namumula ang pisngi nito. Mula pa noong una niyang makilala si Klaire ay naakit na siya sa kaibigan ng kapatid. Sino ba naman ang hindi mahuhumaling sa maganda, matalino, at mabait na babaeng tulad ni Klaire? Tanga lang ang hindi magkakagusto rito!

Pero sinarili na lang niya ang nararamdaman dahil laging bukambibig ni Klaire si Miguel Bonifacio. At dahil pinagbabawalan siya ni Charlie na lumapit dito.

Ani Charlie, hindi siya karapat–dapat para kay Klaire.

Kaya naman ngayong binigyan siya ng pagkakataon at suporta ng pamilya para mapangasawa ito, hindi niya na ito pakakawalan pa.

“Medyo maginaw na… gusto mo na bang umuwi?” mahinang tanong ni Lance.

“May gusto akong pag–usapan, Lance. Yung… tungkol sa pagpapakasal natin…” nahihiyang simula ni Klaire.

“Hindi mo kailangang mapressure sa gusto ng pamilya ko, Klaire. Anuman ang desisyon mo, tatanggapin namin at susuportahan kita. But… I hope you will consider marrying me, dahil gusto—”

“Gusto ko, Lance,” biglang putol ni Klaire sa sasabihin ng lalaki. “Kung… kung okay lang sa’yo na tanggapin ako bilang asawa mo-

11

Napasinghap siya nang yakapin siya ni Lance.

“L–Lance…”

“Aalagaan kita… pati na rin ang magiging anak mo, Klaire,” bulong nito.

Hindi lang ang dagat at langit ang naging saksi ng tagpong ‘yon ng dalawa. Ilang metro lamang ang layo, may lalaking nagmamasid sa kanila gamit ang nakatagong camera.

Simula pa lang nang umalis sila sa kumpanya, minamanmanan na sila ng lalaking papalit–palit ng ‘disguise‘ sa bawat lokasyon. At ang malinaw na video ay direktang nakakonekta sa monitor sa opisina ni Rage.

Marahas na bumagsak ang kamao ni Rage sa mesa nang makita ang eksenang ‘yon. Hindi lang malinaw ang kuha, rinig na rinig pa niya ang usapan nila dahil sa nakatagong microphone sa bag ni Klaire.

“Damn it! Did I actually help them unite?! Godammit!”

Mabilis niyang hinablot ang telepono at tinawagan ang isang numero,

“Execute the plan now!” mariin niyang utos sa galit na boses.